Kommunen arbeider for at innbyggarane skal ha eit godt og stabilt tilbod om digital kommunikasjon både gjennom fast- og mobilnett. Det er Det er framleis ein del innbyggjarar som har eit breibandstilbod med låg kapasitet og kvalitet.

Dagens samfunn baserer store deler av tenestetilbodet på at innbyggjarane har tilgang til internett. Sogn og Fjordane er det fylket i landet med dårlegast dekning av høghastigheits breiband.

For å betre situasjonen i kommunen vil Aurland kommune søkja om finansiering til å byggja ut høghastigheits breiband til innbyggjarar, næringsliv og offentlege institusjonar i område som i dag manglar eit tilfredstillande tilbod. I denne søknadsrunden vil me prioritera følgjande område:

  • Øvre del av Flåmsdalen (frå Flåm kyrkje og oppover)
     

Regjeringa har gitt "Nasjonal kommunikasjonsmyndighet" (NKOM)" i oppgåve å administrera tilskotsordninga. Kommunar og fylkeskommunar kan søkja NKOM om støtte. Det vert ei utlysing i 2016, og me forventar at ordninga vert forlenga med fleire søknadsrundar påfølgjande år.

I samband med søknaden vil vi invitere bedrifter og  innbyggjarar til å komme med innspel.

Frist for høyringa er 29.april. Innspel kan sendast på e-post til post@aurland.kommune.no og merkast "Høyringsuttale breibandutbygging 2016".