Aurlandsmarknaden 2024

Aurlandsmarknaden er ei tradisjonsrik festivalhelg som skjer årleg i vakre Aurland i Sogn og
Fjordane. Dette er ein kjekk festival med torgdag og konsert. Marknaden er ein viktig møteplass
for unge og gamle, tilflytta og utflytte, kjende og ukjende.

I 2024 vil den bli arrangert for 27. gong, og har sidan oppstarten blitt arrangert fyrste helga i juli.
Dette er einaste av sitt slag i kommunen og me ynskjer at Aurlandsmarknaden er helga mange
kjem heim og tar seg ein tur ut, enten med born, slekt, vener eller familie.

Festivalen går over to dagar der fredag er konsertkveld med Halva Priset på festivalområdet på
Odden, som ligg nede ved fjorden. Der får artistane utsikt over den vakre fjorden vår. Og
laurdag er det tradisjonell marknad med salsboder og aktivitetar for born. Det er også
underhaldning på ettermiddagen, med show og trubadur.

Leikane og aktivitetane for den yngre garde er ei sann glede og i 2024 satsar me enda meir på
dette. Me får besøk av eventexpressen som har hoppeslott, bungee run, rodeo, sukkerspinn, popcorn og slush.
I tillegg blir det tradisjonsrik torgdag med salsboder frå heile Sogn og omegn. Rallartoget kjem sjølvsagt og køyrer alle til og frå Aurland Helsetun, Onstad, og Hopen.
Helitrans kjem også på besøk, og har landingsplass på Aurland Stadion.

På laurdagskvelden er det ny konsert på festivalområdet med Plumbo og Kruttrøyk, som kjem til
å trekke mykje folk til Aurland denne helga. Dette er to store og kjende artistar med titals
millionar avspelingar.