Kommunestyre- og fylkestingsval 2023

Her kjem listeframlegg til ettersyn etterkvart som dei kjem inn til kommunen. 

Listeframlegg for Senterpartiet

Listeframlegg frå Venstre

Listeframlegg frå Høgre

Listeframlegg frå Arbeidarpartiet

Listeframlegg frå Miljøpartiet dei Grøne

Valstyret godkjente fem vallister den 25. mai 2023 til kommunestyrevalet 2023:

Godkjente vallister 

Kommunestyre- og Fylkestingsvalet 2023

Den 11. september 2023 er det kommunestyre- og fylkestingsval i Noreg.

Informasjon om manntal
For å kunne røyste ved valet, må du stå oppført i manntalet i ein kommune.

Veljarar busette i Noreg
Alle personar med røysterett blir automatisk ført i manntalet i den kommunen der dei var registrert som busette per 30. juni 2023. Dersom du har flytta til ein annan kommune etter 1. juli, er du registrert i manntalet og har røysterett i den kommunen du flytta frå.

Veljarar busette i utlandet
Dersom du bur i utlandet, men har vore registrert som busett og med røysterett i Noreg i løpet av dei siste ti åra, blir du automatisk ført inn i manntalet i den kommunen der du var registrert som busett då du flytta frå Noreg.

Tid og stad for utlegging av manntalet i Aurland
Manntalet for heile kommunen vert lagt ut i midten av juli i resepsjonen på rådhuset. Lista vert liggande ute fram til valdagen.

Du kan kontrollere at du står oppført der, enten ved å møte opp eller ved å ringje til sentralbordet på 57 63 29 00. Om du ikkje står i manntalet eller om det er andre feil, kan du klage skriftleg per post til Aurland valstyre, Vangen 1, 5745 Aurland, eller e-post til post@aurland.kommune.no

Valkort
Valkortet er ei påminning om at du også har stemmerett. På valkortet står det også kvar du kan stemme valdagen.

I år vert valkortet sendt til di digitale postkasse eller til Altinn. Dersom du har reservert deg mot, eller ikkje nyttar digital informasjon frå det offentlege får du valkortet ditt tilsendt på papir.

Ta med deg valkortet når du skal røyste! Det forenklar arbeidet for valfunksjonærane og det går raskare for deg. Har du ikkje motteke valkort, mista eller gløymt det, får du likevel røyste.
NB! Ta med gyldig legitimasjon i tillegg.

Tidlegrøysting
Du kan røyste frå 3. juli dersom du ikkje har høve til å gjere det i den ordinære perioden for førehandsrøysting, og heller ikkje på valdagen.
I perioden 3. juli til og med 9. august må du kontakte kommunen på telefon 57 63 29 00 og avtale tid for å røyste. Røystelokalet er på rådhuset.

Ordinær førehandsrøysting
Den 10. august startar den ordinære førehandsrøystinga. Du kan røyste på førehand til og med 8. september.

Lokalet til førehandsrøystinga er rådhuset, med slike opningstider:
Tysdag 10.august til og med fredag 8.september: 08.00-15.30
Det vert også ope for å førehandsrøyste:
Laurdag 2. september: 10.00 – 15.00
Torsdag 7. september: 08.00 – 20.00

I tillegg vert det høve til å førehandsrøyste på jordbrukskulen og helsetunet med slike opningstider:
Sogn Jord- og hagebruksskule måndag 4. september frå kl. 10.00-11.30
Aurland helsetun tysdag 5. september frå kl. 12.00 – 14.00 

Ambulerande røysting
Veljarar som på grunn av sjukdom eller uføre ikkje har høve til å førehandsrøysta i rådhuset kan søkje valstyret om å få førehandsrøysta i heimen/der dei oppheld seg. Søknaden treng ikkje vere skriftleg, du kan ringe 57 63 29 00.  Kontaktpersonar: Beathe Stentvedt / Anne-Mari Samskott.
Frist fredag 8. september kl. 10.00.

Informasjon om tid og stad for røysting valdagen 11. september (og 10. september i Vangen krins) kjem i neste utgåve av Aurlendingen. Sjå også nettsida til Aurland kommune for informasjon om valet på www.aurland.kommune.no.

Du kan røyste frå 3. juli dersom du ikkje har høve til å gjere det i den ordinære perioden for førehandsrøysting, og heller ikkje på valdagen.
I perioden 3. juli til og med 9. august må du kontakte kommunen på telefon 57 63 29 00 og avtale tid for å røyste. Røystelokalet er på rådhuset.

Manntalet for Aurland kommune er lagt ut til ettersyn i resepsjonen på rådhuset. Du kan kome innom på rådhuset, eller ringe på
telefon 57 63 29 00 for å kontrollere at du står i manntalet.

For å kunne røyste ved kommunestyre- og fylkestingsvalet, må du stå oppført i manntalet i ein kommune.

Alle personar med røysterett blir automatisk førte i manntalet i den kommunen der dei var registrert som busette per 30. juni 2023. Dersom du har flytta til ein annan kommune etter 1. juli, er du framleis registrert i manntalet og har røysterett i den kommunen du flytta frå.

Dersom du bur i utlandet, men har vore registrert som busett og med røysterett i Noreg i løpet av dei siste ti åra, blir du automatisk ført inn i manntalet i den kommunen der du var registrert som busett då du flytta frå Noreg.

Dersom du meiner det er feil eller manglar ved manntalet, må du gje melding til valstyret. Krav om retting skal vere skriftleg og grunngjeve, og skal sendast til:

Valstyret i Aurland kommune
Vangen 1
5745 Aurland

Søknadsskjema for innføring i manntalet finn du her: søknadsskjema

Her finn du valstyret si møtebok: Valstyret si møtebok for kommunstyrevalet 2023.pdf

Venstre

Senterpartiet